الجمعة، 19 أكتوبر 2007

قائمة مواقع مفيدة

100 Websites For Internet Beginners

المعرفة والفضول

reuters.com
research.philips.com
readme.cc.png
podtropolis.com
papertoys.com
new7wonders.com
lipsum.com
thomasedison.org
beelinetv.com
useit.com
submarinechannel.com/titlesequences
visual-literacy.org
cartype.com
captology.stanford.edu
bannerblog.com_au
ge.com
curiosityshoppeonline.com
creativecommons.org
lawsofsimplicity.com
gnu.org
digg.com

الموسيقى والفنون

yugop.com
vincent-vella.com
uva.co.uk
tutorialblog.org/free-vector-downloads
tate.org.uk
squidfingers.com/patterns
sohodolls.co.uk
radioblogclub.com
photogravure.com
netdiver.net/illustration
mine-control.com
matthewmahon.com
marcelod2.com.br
magwerk.com
kraftwerk.blocmedia.net
headbangers.tv *
grupow.com/circulo
creaturesinmyhead.com
bernhardwolff.com
arturofuentes.com
alennox.net

التجارة الالكترونية

colette.fr
imaginemusicstore.com
canyon.com
coft1.com
heftyrecords.com
ourtype.be
freddyandma.com
nikeid.nike.com
feelthepower.biz
shopcomposition.com
oneill.com
agentprovocateur.com

البحث

trendwatching.com
thefwa.com
springwise.com
scirus.com
scholar.google.com
podcasts.yahoo.com
msdewey.com
maps.live.com
chacha.com
books.google.com

مصادر ومراجع


infopresse.com/prixboomerang
rjnet.com.br/2velocimetro_php
vixy.net
kuler.adobe.com
wikitravel.org
thinkingwithtype.com
dominiopublico.gov.br
madehow.com
icp.org
howstuffworks.com
dafont.com
dictionary.reference.com
gutenberg.org
nationmaster.com
en.proverbia.net
del.icio.us
touchgraph.com

مواقع تفاعلية

2advanced.com
akqa.com
almapbbdo.com.br
artless.gr.jp
bigspaceship.com
d-o-e-s.com
domanistudios.com
eurorscg4d.com
farfar.se
firstbornmultimedia.com
group94.com
heiwa-alpha.co.jp
hi-res.net
lowetesch.com
mecano.ca
northkingdom.com
rga.com
soleilnoir.com
wefail.com

الاثنين، 8 أكتوبر 2007

اسأل نفسك الاسئلة الذكية تريح نفسك


احد اكثر وسائل النجاح انك تسال نفسك الاسئلة الصح

احنا لما بنسال نفسنا عقلنا بيفكر فى الاجابة الاجابة بتاثر فى طريقتنا تفكيرنا وتصرفنا

اسال نفسك هو ده بيحصلى ليه دايما وهتقنع نفسك باجابة بس لو سالت نفسك هو انا زى خلى النهارده يوم اجمل

هتلاقى اجابه برضه بس انهى هتزودك هتدفعك وتعليك للاحسن

ليه بقى متسالش نفسك الاسئلة الصح الذكية اللى تخليك اسعد اكتر ثقة بنفسك انجح

دى مجموعة اسئلة تخليك عالطريق للنجاح تدفعك دايما لقدام

خد مثلا 5 الى 10 اسئلة من دول او ضسف اسئلتك الخاصة اكتبهم فى ورقه علقهم قدامك حطهم على مكتبك على خلفية الكمبيوتر ياريت لو تحفظهم

عشان تفتكرهم دايما طول اليوم حاول يكونوا قدام عينيك طول اليوم

اعمل ده وشوف التاثير السحرى

الاسئلة

  • انت عايز تنجز ايه النهارده ؟
  • ايه اهم حاجة عايزها النهارده ؟
  • احسن طريقة استغل بيها وقتى دلوقتى ؟
  • ايه اللى انا بنجزه دلوقتى ؟
  • ايه اللى ممكن اعمله دلوقتى عشان احقق هدفى ؟
  • مين اللى مفروض اشكره النهارده ؟
  • مين اللى ممكن اتعلم منه النهارده ؟
  • ايه اهم 3 اهدافى ؟
  • ازاى اسعد نفسى دلوقتى ؟
  • ايه اهم حاجة فى حياتى ؟
  • ايه اللى ممكن اعمله عشان اضيع القلق النهارده ؟
  • ازاى ابقى اكتر شخص طيب النهارده ؟
  • ايه اللى ممكن اعمله النهارده يزود حسناتى ؟
  • ازاى اقرب من ربنا النهارده ؟
  • ايه اللى ممكن اتعلمه النهارده؟
  • ازاى افرح النهارده ؟
  • ازاى احل مشكله النهارده ؟
  • مين ممكن ابقى معاه ومبسوط النهارده ؟
  • ازاى اخلى شغلى اكتر راحة ؟
  • ازاى اخلى يومى النهارده محصلش؟
  • ايه الخبرات اللى ممكن اخدها النهارده ؟
  • ايه الجديد اللى ضفته لنفسى النهارده ؟
  • ازاى النهارده يبقى احسن يوم فى حياتى ؟
  • ايه الحاجة اللى ممكن اعملها النهارده وانا مبسوط جدا ؟
  • ايه الحاجة اللى مش لازم انساها النهارده ؟
  • مين اللى ممكن اساعده النهارده ؟


السبت، 6 أكتوبر 2007

ازاى تقدر تبطل الشكوى



مشكلتنا اننا بنشتكى كتير قوى يغيت متبقى عادة وده خطر كبير جدا بياثر على شخصيتنا بنبقى اكتر عصبية اكتر عرضه للنرفزة

بيبقى خلقنا ضيق قوى

اكيد كتير مننا حابب يتخلص من ده

الفكرة فى ان العقل زى جسمنا كل ما تغذى جسمك على حاجة باستمرار بيتعود عليها لدرجة انه تحس انه بيطلبها بعد كده

العقل نفس الحكاية من كتر مبنعوده عالشكوى بتبقى دى عادته و بيبقى حساس للمواقف بمجرد مبتحصل حاجة ان شاء الله صغيرة

ونبقى مشهورين اننا بنشتكى كتير خلقنا ضيق وخلافه

ازاى نبطل العادة دى ؟

اولا لازم نعتقد جوانا ان احنا مش كده لما تشتكى او يحصل منك موقف سلبى متخليش تفكيرك يقنعك ا ن دى طبيعتك زى مبنرد لما حد يعاتبنا مثلا عالصوت العالى او الشكوى معلش انا طبيعتى كده !

وليه تخلى طبيعتك كده دى مش وراثة العقل بيعتمد على الغذاء اللى بنديهوله وغذا العقل التفكير كل منفكر بطريقة بطريقة سلبية دى بيروح لعقلنا يغيت منتعود على كده

فى النهاية العقل برضه منفصل عن التفكير نوقف الطريقة السلبية فى التفكير هنتغير للاحسن

فخ التفكير السلبى

مشكلة التفكير السلبى ان فخ او دوارة كل خبراتك السلبية فى الحياة بتخلى تفكيرك اكثر سلبية وده يرجع يسببلك خبرات سلبية جديدة وهكذا دواليك

معظم الناس اللى واقعين فى الفخ ده بيتنيهم فيه مبيخرجوش منه غير ما يطورا وعيهم ويعرفوا انهم بيحاربوا ما يظنوا ان هو هويتهم " مقتنعين انهم كده فعلا " فى معركة زى دى عمرهم ما هبيكسبوا

انت دايما معرف نفسك ومقتنع من جواك انك سلبى وانها هويتك فازاى تحاربها مش هتنفع الحل مش فى محاربتها الحل فى الاستسلام

Plz stop fighting it

استسلم استرخى لما عقلك يجى يفكر بطريقة سلبية اعلى بدماغك عنها سيبها تجى وتعدى وكانها مش عنك وكانك ملاحظ فقط الافكار دى مش انت ومش بتعبر عنك

بيقال ان العقل عامل زى القرد المجنون كل ما تحاربه يجنن اكتر سيبه اما يخلص جننانه ويمشى هى دى الفكرة

طور تفكيرك

لو انت مش عاجبك خبراتك فى الحياة او التصرفات اللى بتتصرفها فى المواقف المختلفة يبقى لازم تتطور فكرك ووعيك

كل حياتنا ومواقفها عبارة عن وعينا وتفكيرنا وضميرنا كل ما نطور دول نزود مهاراتهم تدريجيا هتزيد خبراتنا وهتبقى افضل بالتاكيد

لازم تبقى مدرك انك المسئول الاول عن فكرك ووعيك وخبراتك

كل حاجة بتحصل فى حياتك انت السبب فيها انت المسئول كل شىء بيحصلك بسبب تفكيرك قدرتك عالتصرف و خبراتك

الحل الوحيد لموضوع الشكوى انك تبقى مستعد انك تقول لو للكون كله وتبقى مدرك تماما لده

" انا مسئول عن جميع خبراتى فى الحياة اللى فات واللى جاى "

دى امثلة للمعنى ده

لو ان مش سعيد ده عشان انا السبب فى ده

لو فى مشكلة بتضايقنى انا اللى مطلوب منى احلها

لو فى واحد محتاجنى يبقى لازم اساعده

لو محتاج حاجة يبقى انا المطلوب منى ان احققها

لو عايز حد فى حياتى يبقى انا االلى مطلوب منى انى اخليه فى حياتى

لو مش حابب وضعى الحالى يبقى لازم اغيره


كمان لازم عشان تفهم المسئولية دى اكتر تبقى مقتنع ان برضه الظروف الجيدة اللى انت فيها مسئوليتك وانت السبب فيها



الحاجات الكويسة مبش مجرد بتحصل لك كده انت اللى عملتها

برافو عليك


كافىء نفسك عالحاجات الكويسة اللى عملتها ومتتظاهرش انك بتمتع بالحاجات اللى مبتحبهاش

اقتنع بالمسئولية عنهم عشان تبقى جاهز تتصرف بعد كده

الشكوى هى تجاهل بالمسئولية العتاب هو تصرف اخر عشان تعذر نفسك من المسئولية

طور فكرك لان ده هو الحل تطوير فكرك بانك تقتنع انك مسئول عن كل شىء فى حياتك

انك لازم تسعى وان انت ان شاء الله قادر على تغيير حياتك للافضل انك تصنع حياة مبهجة

لنفسك

لما تلاقى نفسك بتشتكى قف واسال نفسك يا ترى انت عايز تستمر فى تجاهل مسئوليتك عن واقعك ولا لسه شوية لو لسه متردد فكر وخد قررارك بفكرك اللى انت مسئول تتطوره

ياترى انت عايز تزعل على حاجة بتعملها وانت مبتحبهاش ولا عايز تتهنى بعمل حاجة انت بتحبها

المصدر www.stevepavlina.com

ازاى تشغل دماغك ؟



كونك تعمل حاجات مش معتادة تفكر بطريقة جديدة تعمل حاجات مختلفة مضحكة غريبة كل الحاجات دى بتنشط العقل

الفكرة انك تغير نمطية التفكير اللى اتعودت عليها بطرق جديدة تخلى عقلك يفكر يتاثر يستجيب ده هيخليه نشط اكتر

متفتح اكتر

دى امثلة للحاجات دى وانت ممكن تجيب اكتر

  • حفز ودانك تسمع موسيقى جديدة حتى لو مبتحبهاش محطة راديو مبتسمعهاش ممكن تلاقى نفسك حسيت انها كويسة
  • حفز عينك : شوف منظر جديدة روح للريف لو انت من المدن روح مناطق مزدحمة لو انت من الريف لوممكن تشوف لوحات رسم وقول رايك
  • اثناء الانتظار : فى عيادة محل بقالة محطة قطر حاول تفكر تحسب تفتكر

    مثلا مين مدرسيك فى الابتدائى و اول اغنية سمعتها و عدد اصحابك و القرايب اللى تعرفهم و الفوازير اللى تعرفها كام نكته فاكرها. مسائل رياضية فاكرها الخ

  • اتعلم : فى مصطلحات كتير بتسمعها ومش عارف معناها ليه متجربش تخش النت وتدور عليها

    بالمناسبة يعنى ايه امبريالية وبرجوازية ؟!

  • اقرا فى حاجات جديدة تاريخ مثلا فلسفة اشترى كتاب واقراه جرب و حاول تروح كورسات مثلا لغة كمبيوتر
  • روح سينما وخش نوعية افلام جديدة ليه متجربش الكارتون الافلام الوثائقية هى الناس دى بتقول ايه يا جدعان
  • اشترك فى نادى جرب رياضات جديدة ايه رايك تجرب الكاراتيه
  • حل كلمات متقاطعة جرب الالعاب والالغاز الرياضية
  • جرب تكتب من الشمال لليمين و تجيب مرايا وتشوف دافنشى كان بيعمل كده
  • جرب تلبس هدوم نادرا مبتلبسها لو كلاسيك جرب الكاجوال كده
  • جرب اكلات جديدة ما تعرفهاش انزل مطعم كده وجرب تشوف القائمة واختار اكله جديدة و جربها
  • جرب تغير التليفزيون على قنوات جديدة شوف مسلسلات جديدة لهجات جديدة

  • جرب تعمل شات خش محل نت ولو مبتعرفش قول لصاحب النت يساعدك جرب تدخل مواقع جديدة
  • جرب النهارده تخش المطبخ وتعمل اكلة اشترى كتاب من بتوع الطبخ واعمل اكلة جديدة
  • اكتب بايدك اللى مبتكتبش بيها كذا مرة
  • بتشوف حركات بهلوانية من بتوع السيرك جرب تعملها فى البيت
  • غير نظام اوضتك ترتيب هدومك
  • اعمل حاجات من اللى كنت بتعملها وانت صغير ومبقتش تعملها
  • متطلع كده تلعب مات شكورة مع اصحابك ياااه بقالى زمان ملعبتش كورة
  • اتحدى نفسك كده بصوت عالى النهاردة هاعمل كذا هاقول للمدير كذا الصوت العالى ده بيزود قدرتك عالتحدى
  • حاول تكتب شعر قصة جرب
  • حاول تروح مكان مرحتوش قبل كده سافر
  • نضف اوضتك النهارده بنفسك
  • اتحدى نفسك انك هتغير من طبيعتك شوية لو بتزعق فى الشغل النهارده هاكون هادى مثلا
  • اقعد عالكمبيوتر لو مبتحبش الورد اقعد اكتب كده شوية وجرب لو مبتحبش الجيمز اقعد العب لعبة
  • افرض اسئلة وهمية مشاكل وهمية واخترعلها حاجات
  • لو بتتفرج عالتليفزيون كتير امنع نفسك منه النهارده
  • احلم لو انت فلان كنت عملت ايه لو رئيس كذا كنت عملت ايه
  • حدد اهداف كده وجرب
  • عد بالعكس مثلا

كل دى امثلة ممكن تنشط فيها عقلك قدرتك عالتفكير كل ما يكون عقلك بيفكر اكتر كل ما يكون عنده المرونة فى المواقف

المختلفة

المصدر www.howto.com

الجمعة، 5 أكتوبر 2007

الكيوى

الكيوى فيلم قصير جدا يدوبك اربع دقائق الفيلم جرافيك صممه شاب فى اثناء دراسته الجامعية الفليم فاز فى يوتيوب باحد افضل افلام 2006 " افلام يوتيوب المعروضه " حتى الان شاهده اكثر من 10 مليون شخص وعلى صفحته فى يوتيوب اكثر من 35 الف تعليق
فكرة الفيلم مبتكرة وابداعية
وتعرض فلسفة مؤثرة
" ماذا فعلت حتى الان لتحقق هدفك فى الحياة "
اسيبكم مع الفيلم عشان تعرفوا طائر الكيوى عمل ايه

سبع طرق عشان تخلى التمرين عادة

احتمال جربت ده كذا مرة زهقان من رفعك از تخنك زيادة عن اللازم تقوم خلاص مقرر انا هاروح الجيم ادرب تجرى عالتليفون تتصل بزمايلك يالا يا شباب عايز ندرب شوية لازم جسمنا يبقى احسن تاخدكم الحماسة وكمان الرغبة فى لبس البدى ! وتروحوا الجيم شوية وقت ممكن يوصل لاسبوعين تلاته واحيانا يوم واحد وتلاقى اصحابك بينقرضوا وشوية شوية تلاقى نفسك لوحدك وبعدين تاخدها من قاصرها وتسيب الجيم ! مش ده اللى بيحصل برضه !
ده اكيد بيحصل لناس كتير اكيد انت بتفكر ازاى فى ناس بتثبت وتنيها تتمرن ايه السر
؟
على فكرة السر مش نظام ولا قوة ارادة الاتنين دول ينفعوا عالمدى القصر لكن عالمدى البعيد وانك تخلى التمرين عادة ده هو المهم
دول 7 طرق تخلى التمرين عادة


اولا حدد الهدف


لازم تحدد هدف واضح انت عايز ايه بالظبط ده فى الاسلام اسمه النيه وياريت وانت بتقرر اى حاجة حدد النية
ممكن تكون نيتك ان لبدنك عليك حقا المهم تحدد الهدف اللى انت عايزه ممكن يكون
عضلات اكبر
دهون اقل " زهقت من الكرش يعنى "
قوة اكبر
سرعة اكتر

وممكن حاجات تانية اهم حاجة قبل ما تروح الجيم حدد انت عايز ايه

ثانيا حط خط احمر


الخط الاحمر دايما مقصود بيه ميعاد الانتهاء بمعنى انت مطلوب منك قد ايه عشان تحقق ده شهر مثلا شهرين
طبعا ممكن تستعين باى حد من اصحابك يقولك الهدف ده محتاج قد ايه الفكرة انك تعرف انت مطلوب منك تخلص الهدف ده فى قد ايه
اكتب الهدف بتاعك وميعاد الانتهاء بتاه فى ورقه وخليها جنبك دايما قدام عينيك.

ثالثا حط الخطة


دايما وقتك من دهب خليها قاعدتك الاساسية متخليس دقيقة فى الجيم من غير متكون للهدف اللى انت عايزه عشان تحط خطتك
اعرف انت عايزايه بالظبط
ايه التمارين اللى هتعملك ده
هتروح الجيم كام يوم فى الاسبوع وهتتمرن قد ايه

رابعا : التدريب فى اول النهار


رغم صعوبة ده عندنا هنا الا انه منطقى جدا معظم الناس بتتعب فى الشغل فصعب جدا يكون اخر النهار غالبا هتكسل
ليه متصحاش بدرى وتاخد فطارك وتجهز حاجتك وتروح الجيم


خامسا التزم بالخطة


طبعا المشكلة هنا تجى فى يوم تعبان طبعا لو بتتدرب بعدين متكسر عقلك بيقولك هاروح وجسمك بيقولك كفاية ياعم مش قادر
متستجبش لده اتغلب عليه بانك تقتنع ان العادة اهم من التمرين نفسه انت بتروح التلات يبقى لازم اروح التلات حتى لو انت مش سليم قوى ان شاء الله تتدرب حاجة خفيفة قوى عود نفسك جسمك هيتعود على ده بالوقت ومتشوف النتيجة اكيد هتحب تلتزم بالخطة
خلى دماغك شغالة خليها تامر جسمك وجسمك اكيد هينفذ


سادسا اتدرب مع واحد متعود


الصحبة احد اهم قواعد النجاح طبعا الصحبة المشجعة لما تروح الجيم حاول تتعرف مع ناس عادتها تروح الجيم هتساعدك كتير لانهم عارفين قد ايه ده صعب فى الاول كمان هم يبقوا احد الدوافع انك هتروح الجيم


سابعا الثقة


انت تقدر تحقق اللى انت عايزه
لما تروح الجيم هتلاقى ناس عالية عنك خالص خلى فى نفسك قوة التحدى والثقة هيساعدها الانجاز لما تلاقى نتيجة دايما خليك مقتنع
" ان كانوا هما يقدروا انا كمان اقدر "

المصدر : http://stronglifts.com/

الأربعاء، 3 أكتوبر 2007

تسع طرق عشان تخلى النهاردة احسن من امبارح


دى 9 طرق عشان تخلى يومك احسن من امبارح

اولا : قرر ا ن ده هيكون يوم جميل

القرار ده لازم يكون بالكتابة ايوا اكتب ان شاء الله اليوم ده هيكون يوم جميل جدا وقولها لنفسك بصوت عالى كمان فكرة مجنونة ؟ بس بتنفع
جرب تخلى منبه الموبايل لما يصحيك يعرض رسالة زى كده " النهارده هيكون يوم جميل"

ثانيا : خدها بالراحة

لو يومك كان مجهد قوى امبارح خد النهاردة بالراحة واستريح " ان لبدنك عليك حقا "
انت بالظبط بتشحن ليوم جديد والا العربية هتعطل فى النص
!
ثالثا : صالح نفسك

ليوم واحد بس قرر كده تتفق مع نفسك انك مش هتحكم على الاخرين ولا على نفسك ادى لكل واحد حتى نفسك مزايا الشك حتى لو انت مش مصدق اللى شكيته فى نفسك
اثبت عالكلام ده هيغير طريقه تفكيرك بالتدريج نظرتك للامور وثقتك بنفسك هتزيد
جرب مش هتخسر حاجة غير شوية اكتئاب

رابعا : لاحظ ولا تنفعل كبر دماغك يعنى

لو لاحظت حاجات معينة ناس مثلا المرور مثلا كتاب معين بيخلوك غضبان حاول النهاردة تتصرف بشكل مختلف حاول النهاردة تبفصلهم بنظرة مختلفة بعيدة عن الغضب حاول
لو انت بتغضب كتير فكر فى اكتر شىء محبط فى حياتك واكتبه وابدا ناقشه مع اصحابك والقريبين منك وابدا فى خطة جديدة لحل المشكلة
لو المشكلة راحة ووقتك مشغول حاول تقتبص وقت صغير يوميا يا قبل النوم يا بعد الاستيقاظ مباشرة استغله فى حاجة بتحبها بالتدريج هتلاقى شعور مختلف وسعادتك من الوقت الصغير ده بتنتشر طول اليوم
لو المشكلة ا ن فى حياتك حاجة بتعملك اكتئاب حاول تبدا فى التفكير فيها بطريقة منطقية اكتبها لازم تكتبها ابدا ناقشها مع اصحابك والقريبين منك فكر حياتك هتبقى اجمل من غيرها ازاى وابدا فى وضع خطة مناسبة
لو المشكلة مش فى ايدك وملكش تحكم فيها ابدا غير طريقة التفكير فيها كل مرة بتفتكر بتغضب المرة دى افتكر وقلل من الغضب او الزعل مرة بمرة واسال نفسك سؤال مهم يساعدك ازاى اقدر ابقى فى سلام مع نفسى النهارده مع الموقف ده
خامسا : ابتسم - افردها يا عم

ابتسم فى وش الناس حتى لو ابتسامة مزيفة هتبدا تحس بيها وتتعود عليها شارك فى الدعابة المرحة قابل اصحابك المرحين كتير واستمتع بالقعدة معاهم

سادسا : قدم السبت

من قدم السبت لقى الاحد قدامه النهارده قدم السبت اشكر حتى السواق اللى انت راكب من عربيته البياع اللى بتشترى منه جامل الناس بجد هتلاقى الحد بيجرى قدامك

سابعا : ساير دماغك

النهارده ساير دماغك كان نفسك تعمل حاجة وحارم نفسك منها النهارده حاول تنفذها
روح السينما النهارده اطلع اتفسح اشترى الكتاب اللى كان نفسك فيه

ثامنا : محدش قدك

عدد مزاياك برغم كل عيوبك عندك مزاياك عددهم النهارده واكتبهم فعلا محدش قدك
تاسعا : ريح الليلة

انت تعبت النهاردة
يوم اخر مزاج

افكار عشان متخليش الوقت يسرقك





اوقات كتيرة يبقى مطلوب منك تعمل حاجة وتجى تعملها تلاقى نفسك قعدت فيها كتير

قوى وبعدين تتطلع النتيجة مش قد كده
قعدت مثلا تذاكر 3 ساعات وتكتشف انك يدوبك خلصت 10 صفحات او قعدت تقرا كتاب فى ساعتين وبعدين اكتشفت ان اللى استفدته ولا حاجة او شغال فى مشروع وبعدين اكتشفت انك قعدت كتير قوى ولسه محققتش حاجة
ومش هتحقق فيه حاجة عالمدى القريب
يا ترى ده بيحصل ليه ؟
اكيد ممكن يكون فى اسباب خارجة عن ارادتك بس برضه احيانا كتير ومن الاسباب المهمة ان احنا بنقضى وقت كتير فى حاجات مش مفيدة للمهمة اللى بنعملها
القاعدة : متعملش الا الضرورى لمهمتك بس
متضيعش وقتك اكيد الكلام سهل بس التنفيذ صعب دى خطوات تساعدك على كده
اولا حدد الهدف اللى انت عايزه من المهمة دى
لو حددت الهدف اللى انت عايز تطلع بيه اكيد هتقدر تحدد الحاجات الضرورية و الحاجات الغير ضرورية للمهمة بتاعتك
لازم يبقى هدفك واضح ومحدد
مثال : انا هقعد اذاكر ساعتين !
حدد هتذاكر ايه فى الساعتين بدل متقضيهم حيران وعمال تنقل وتفكر
عايز تنجز ايه بالظبط ؟
ثانيا : اكتب الهدف من مهمتك فى مكان واضح
الكتابة هنا عشان احنا غالبا بمجرد منبتدى الشغل بننسى احنا عايزين ايه وهدفنا كان ايه
لو رايح محل ملابس او بقالة اكتب اللى انت عايزه فى ورقة فى جيبك عشان تبقى عارف انت عايز ايه بالظبط ولا بتشتغل عاكمبيوتر ممكن تكتب اللى انت عايز تعمله عالديسكتوب فى google widget مثلا
لو هتذاكر اكتب اللى انت عايز تذاكره فى جدول او نوته
ثالثا : خليك فى التراك !
غالبا وانت فى بتشتغل فى المهمة بتاعتك ممكن تسرح تخرج بره التراك وتلاقى نفسك بتعمل مهام اضافية او حاجة مش مهمة للشغلانة بتاعتك عشان كده لازم تفكر نفسك كل فترة مثلا لو المهمة بتاعتك مدتها ساعة ممكن كل ربع ساعة تسال نفسك اللى بعمل دلوقتى هبساعدنى انجز ولا انا خرجت برا الموضوع
رابعا حط اشارات عالتراك وخط احمر
اعمل لنفسك خط احمر بمعنى وقت محدد الساعة 2 هاكون خلصت كذا طول ما انت عارف انك قدامك ميعاد معين هتقف فيه هتحاول تنجز اكتر كمان اعمل لنفسك اشارات عالطريق لو المهمة بتاعتك ساعتين يبقى انت المفروض كل نص ساعة تكون عملت كذا بالطريقة دى هتعملك دافع انك تنجز وتخلص وكمان هتنيك فى التراك
خامسا : انتدب
بمعنى ان مش كلها حاجة عايزاك انت لو بتشتغل فى شركة وفى مهام طلعت وانت شغال فى مهمة اساسية خلى اى حد تانى يشتغل المهمات الضافية دى مش لازم تعملها بنفسك
لو بتذاكر والبيت طلب حاجة ممكن اخو كاو اختك او اى حد تانى فاضى هو اللى يعملها
سادسا : اقف لما تخلص
لو المهمة مدتها ساعتين وخلصتها فى ساعة ونص مش لازم تضيع النص ساعة الباقية

الحياة حلوة بس نعرفها

مفيش حد فى الدنيا من غير شكوى طبيعة الانسان كده اكيد بيشتكى

بس الاكيد برضه ان حياة كتير مننا فيها حاجات تستاهل الشكر اكتر من الحاجات اللى تستاهل الشكوى
ايه رايكو فى " يوم العرفان" فكرة كده

هتستفيد منه ايه ؟

حاجة كده تفكرك بالسعادة

يوم العرفان

ابدا من النهارده دلوقتى لاحظ كل لحظة كل حاجة فى حياتك بتخليك مبسوط حتى الحاجات اللى بتجننك مديرك مثلا او مراتك او الاطفال الاشقيا او التليفزيون البايظ والريموت اللى مبيشتغلش والموبايل اللى مبيرنش

حتى الحاجات دى بتسببلك سعادة بس اسال نفسك الاسئلة الصح وانت اكيد هتلاقى الاجابات الصح

لكل شخص ولكل حاجة اسال السؤالين دول

1 * ايه الحاجات الكويسة اللى بيعملها الشخص ده او الحاجة دى فى حياتى؟

2 * حياتى هتبقى صعبة ازاى من غير الشخص ده او الحاجة دى ؟

دلوقتى ممكن تشعر بالامتنان

وهتطلع منك اكيد

الحمد لله




حاجات زى كده




السرير ... تخيل الساعة جت 12 - 3 كده بالليل ومفيش السرير ده ؟

شوية هوا نضيف

اكل

عيلة

مدير !


غسيل !
حمام - تخيل حياتك من غيره !
ميه جاريه - ياسلاااام
محل عم محمد البقال - ياسلام تخيل فكرة انك ممكن تروح وتشترى حاجات كويسة قوى كتير الله يباركلك ياعم محمد
الطبيعة - سبحان الله فكرة انها مخلوقه عشانا ياخى ازاى لسه شايف الحياة وحشة !
حاجات كتير قوى قدامك وانت مش واخد بالك منها
وبعدين لو فى حاجة مضايق افتكر كلام والدتك لما بتشتكى " مش انت كويس يابنى " ها لسه مش كويس !