فيديو : حينما تنعكس افكارنا على اجسادنا

الفيديو يوضح كيف يتاثرشكل جزىء الماء بما حوله من مؤثرات ايجابية وسلبية دراسة غريبة تدعو الى التامل والتفكير

تسع طرق عشان تشرح أحسن

اولا : الباوربوينت

برنامج باور بوبنت من افضل برامج العروض الفكرة بس انك تستخدمه صح

استخدامك للباور بوينت مش لازم يبقى فيه اسهاب للشرح . الناس هتسرح كتير فى القراءة من اللوحة مش هتركز فى كلامك هتتشت اكتر الافضل انك فقط تحط العناوين الرئيسية والباقى هيبقى من عندك

غرض الباوربوينت الاساسى انه يفكرك مش انه يشرح

ثانيا : اتكلم من القلب

اكتر الكلام فاعليه هو الكلام اللى فعلا طالع من القلب بس انوى كده.

انك حقيقى عايز توصلهم المعلومة دى اتفاعل معاها الناس بتحب كده وهتركز معاك

اشرح بقوة استخدم خبرتك الشخصية الامثله من حياتك و من حياتهم اكيد هتوصل

ثالثا : خفة الظل

من الجميل ان الجلسة متكونش دمها تقيل استخدم روح الدعابة عندك فى انك تخلى مادة الشرح خفيفة على الناس استخدم نكته – ظرف متعلق بالاحداث الجارية – شوية هزار خفيف متكترش منه بس خليه نوع من انواع التجديد فى الشرح عشان الناس متزهقش وتوصلها المعلومة افضل

ولو قدرت انك تخلى النكت او الهزار فى صلب موضوع الشرح يبقى افضل كتير

رابعا : الحركة اثناء الشرح

من الجميل جدا انك تبقى نشط اثناء شرحك وعرضك ممكن تمشى هنا وهناك تقرب من الجمهور اللى قدامك تستخدم حركات واشارات معينه . الناس بتحب اللى يتفاعل معاها

ابدا متكونش زى اللى بيقعدوا بس وكل شوية كليك ويغيروا الشريحة ويقروا الكلام

متكونش ممل

خامسا : صوتك

مهم جدا انك تتفاعل مع مادة الشرح ميكونش نبرة الصوت واحدة فى كل المادة فى اجزاء تستحق انك تعلى صوتك فى حاجات متستحقش . مهم جدا انك تستخدم المهارة دى عشان تحافظ على تركيز الناس معاك

سادسا : المادة

خلى مادة الشرح مركزة اكبر قدر ممكن بسيطة اكبر قدر ممكن

خير الكلام ما قل وما دل ... مهم جدا الحكمة دى

سابعا : بصرك

متركز فى مجموعة واحدة قدامك حاول انك توزع رؤيتك للجمهور

حسس الناس انك معاها مهتم بيهم وانك بتقول الكلام ده ليهم

ثامنا : الملخص

حاول تلخص مادتك فى اخر الشرح فى اقل واوضح نقاط ممكنة

تاسعا : الجمهور

خلى الجمهور يشارك معاك يتفاعل معاك شاركهم ناقشهم استخدم معلوماتهم وضيف

متخليش الطريق اتجاه واحد بس

اى حد ممكن يطبخ !

دى كلمة الناقد فى اخر مشاهر فيلم الجرافيك الشهير

Ratatouille

الكلمة تحتوى معانى جميلة جدا والفيلم يستحق المشاهدة بكل تأكيد .

كثيرا ما يعد عمل الناقد من اسهل الاشياء فليست به مخاطرة لا نخاطر بشىء ونستمتع بالتحكيم وكثيرا ما ننجذب بالنقد السلبى ما امتع النقد السلبى لمن يكتبه ولمن يقرأه

لكن الحقيقة المرة التى يجب ان نواجهها انه وبكل المقاييس احيانا اتفه الاشياء التى ينتجها الاخرون قد تزيد اهمية عن كل ما نقول

لكن المخاطرة الوحيدة التى يتعرض لها الناقد هى عندما يتحمس ويدافع عن الجديد فالعالم لا يرحب بالمواهب الجديدة والتغيير

والجديد يحتاج لصديق

بالامس اختبرت شيئا جديد

وجبة لا مثيل لها من مصدر لا يتوقعه احدا

ولنقل ان الوجبة و الطاهى اثبتا ان فكرتى المسبقة عن جودة الطهى بالغة التواضع

لقد هزا كيانى بشدة

فى الماضى لم اخفى رفضى لكلمة جوستو المشهورة " الطبخ للجميع "

لكنى لم ادرك ما كان يعنيه سوى الان

وبالرغم من اننى ما زلت ارى ان

اى شخص قد يكون فنانا عظيما لكن الفنان العظيم ليس اى شخص

فانه لا يمكنكم ان تتصورا نشاة العبقرى الذى يطهو الان فى مطبخ جوستو الذى يعد الان وبكل صدق افضل طباخ فى فرنسا

وسوف اعود الى مطبخه قريبا جائعا الى المزيد .

فكرة ابداعية

فكرة ابداعية جميلة ياترى ايه افكارك انت
انت كمان اكيد مبدع

افكار تزود بيها قدرتك عالابداع

دى مجموعة افكار من الناس ياترى ايه اللى بتعمله وياترى ايه افكارك

اقعد كتير مع ناس بتفكر

ابدا .. الكلمة السحرية هى ابدا ا تحرك لما تيجى اتعمل حاجة ابدا اكتب فى ورقة اعمل اكشن الخ المخ هيبدا يشتغل

جدد نظامك : لو بتشوف افلام رعب شوف حركة اقرا غير اللى اتعودته اشترى جرنال جديد الخ

ابدا عادة : اربط عادة بتفكيرك كوباية قهوة مثلا او نسكافيه كل يوم قبل متفكر هتحفز المخ بعد كده لما يتعود

استخدم ادوات تنظيم الوقت " برامج الكمبيوتر – المفكرات – الخ "

كل يوم اتعلم حاجة جديدة

اتامل فى العالم من حولك : بص للدنيا حاول تشوف مظاهر الجمال فى الكون شوف حاجة بتحصل وحاول تستفيد منها بانك تحاول تطبق ده فى حاجة بتعملها مثلا المطر بيروى الارض ممكن تتعلم منه الانتاج فكر فى الامور بطريقة مختلفة

اعمل حاجة جديدة عليك النهاردة

غير فى طريقة شغلك : النية الجديدة – التكنيك الجديد – الخ

اتعرف على حد جديد

اعمل فولستوب للحياة فكر شوية النهارده – خد راحة- ريح دماغك – نام الخ

خد كاميرا معاك - طلع الحاجة الغريبة من حاجات بتشوفها كل يوم ياترى ايه اللى عمرك ملاحظته فى مكان شغلك

درب عضلة ابداعك وتفكيرك : لازم يتمرن مرنه يوميا متنساهوش

شيل معاك قلم وورقة

اكتب مجموعة افكار النهارده

فكر فى اطار لحياتك - خطط جديدة – احلام قديمة الخ

اكتب اللى جواك متستغباش نفسك حتى لو مجرد نقطة عبر عن نفسك فى ورقة فاضية ياترى هتعمل ايه

فكرت تكتب يوميات ؟

طبعا لازم تقنع نفسك بانك مبدع انت ناجح جدا

جرب كل حاجة متقفش بعد حاجة واحدة

فكر فى موضوع نجاح استثمار فلوس واكتب عنه اللى يجى فى دماغك عنه نفسك فى ايه بخصوصه يجى ازاى الخ

فكر فى طرق تانية واكتبها انت اصلا مبدع قولنا

www.lifehack.org

خلى 2008 افضل مع رسالة جديدة

ايه هى رسالتك السنة دى عملتها ولا لسه ؟

الشركات الكبيرة زى سونى مثلا او ميكروسوفت او غيرها بيبقى ليها رسالة عايزه تنفذها الكل بيجرى فى اطارها

انت كمان ممكن يبقى ليك رسالتك الشخصية اللى تتمنى تحققها فى 2008

ؤسالتك هتساعدك فى انها هتحدد انت عايز بالظبط ايه اكتر حاجة بتتمناها بدل ما الامور عايمه ومش واضحة

هتفكرك فى اى وقت وفى اى مكان , هتبقى قدام عينيك , هتبقى الدافع بتاعك ,كمان هتبقى المؤشر , ياترى انا ماشى فى طريقها ولا انا بعدت رسالتك طريقة تخليك اكتر فاعليه لانك هتبقى محدد وواضح

وعــــارف انــــــــــت عايــــــــــــز ايه

رسالتك ممكن تكون مختصرة او ملانه تفاصيل , عشان تكتبها كويس محتاج تعرف الحاجات دى

اولا : دوافعك : يا ترى انت عايز ايه بجد و ليـــــــــــــــــــــــــــــه , ايه هى نيتــــــــــــــــــك

خليك واضح ومحدد ومتعممش

افتكر انها رسالتك انت مش رسالة حد تانى

ثانيا : يا ترى ايه اهم تلت اهداف انت عايزهم

اختصر وركز على الاهم فالمهم وحدد ميعاد وخليك واقعى

ثالثا : وفق دوافعك مع اهدافك

من كل دافع فكر ازاى تستخدمه عشان تحقق اهدافك التلاته واكتب كل الاحتمالات الممكنة فى انك تستغل الدافع ده

خلاص كده فاضل الخطوة الاخيرة

اكتب رسالتك تانى بس المرة بالخطوات اللى هتعملها عشان تحققها

انت خلاص عرفت عايز ايه وازاى

ممكن تعمل لكل قسم فى حياتك رسالة الشغل الدين البيت الخ

اكتبهم قدام عينيك عالمكتب فى ورقة فى المحفظة عالجدار على خلفية الكمبيوتر خليها قدام عينيك اكبر قدر ممكن وباى طريقة

عشان تبقى طول الوقت بتفكرك

انت عايز ايه

وانت المفروض تعمل ايه

يالا ابتدى

المصدر : http://www.lifehack.org/

يالا اتحرك .... وقفت هنا ليه ؟

يا ترى لو تخيلت سلم من 10 درجات الدرجة الاولى فيه هى اسوا حاجة ممكنة والدرجة العاشرة احسن حاجة ممكنه يا ترى لو انت واقف عالسلم دلوقتى انت واقف عالدرجة رقم كام ؟

الاكثرية هتلاقيها عالدرجات من 6 الى 8

الدرجة السابعة هتلاقى ناس كتير فيها قوى؟

يا ترى الناس ليه بيقفوا عند الدرجة السابعة كتير قوى ؟ ممكن لسنين ؟

هل السبب وظيفتك , صحتك , علاقاتك , حياتك الاسرية ؟

هتلاقى ناس رايها كده

سبعة كويسة قوى فى المستوى دى هانت تمام حاسس انى كويس وراضى

7 فوق المتوسط 7 مش وحش ابدا 7 بتحسسك انك هتطلع قدام وانك ماشى صح

الناس كتير قوى بتوصل لسبعة وتريح ممكن سنين

لو انت عند الدرجة 2 او 3 هتحس ان في حاجة غلط لازم اصلح وكده هتتحرك شوية لكن عند 7 الحمد لله انا مبسوط وتركن هنا كتير

ياترى سالت نفسك انت راكن هنا ليه ؟

كل متحس انك راكن فى 7 اسال نفسك السؤال ده

ياترى الناس فى الدرجة العاشرة حاسين بايه

ياترى عامله ازاى؟

سؤال بسيط جدا بس انك تخلى نفسك تعرف ايه الحاجات المميزة فى 10 وفى 9 و فى 8 هتساعدك وتخليك تعرف الفرق الطريق نحو الافضل

هتقول لنفسك اه

انا عشان اوصل للتامنة محتاج كذا وكذا عشان احس بكذا وكذا

وهكذا مع التاسعة والعاشرة

هنا تبدا تحدد اهدافك ايه , ايه اللى هيخليك تطلع للاحسن

الوصول لسبعة صعب بس خلى بالك الوصول لابعد من 7 اكتر صعوبة ممكن يقعد كتير

وطالما الوقت كده كده بيمر ليه متخلهوش يعلى بيك

يوصلك للعاشرة ليه لا

ممكن تلاقى نفسك نزلت ل 2 ل 3 , تقييمك لنفسك كل شوية هيفكرك

العاشرة فى انتظارك , هترجع تانى تطلع

التامنة عشان تطلعها ممكن تطلب تحدى اكبر

ممكن تكون محتاجه تغيير وظيفة

او تعليم جديد

او علاقات جديدة

اوتغيير مكان

يا ترى مستعد ؟

اوعى تخلك نفسك واقف متعلق فى السابعة , عرف الدرجة العاشرة بالنسبة لك اكتبها اوصفها

واسال نفسك انت محتاج ايه عشان توصلها

ممكن يكون بالنسبة لك الطريق واضح ممكن تمشى فيه بسهوله وسلاسة

ممكن انت تكون بالفعل ماشى عالطريقة للعاشرة

لكن بالنسبة لمعظم الناس الطريق مش بذات السهولة

احيانا يكون للوصول للعاشرة لازم تنزل لتلاتة واتنين واحيانا واحد

لكن انت فى النهاية هتعديها وتعمل مسار جديد ممكن ميوصلكش للعاشرة هتحاول تانى وتال تده هيكون افضل كتير جدا من الطريق اللى نهايته 7

فى ناس كتير بتبقى مربوطة قوى عالدرجة السابعة بتاعتهم

انت ممكن تكون خايف انك تسيب الدرجة السابعة ومتعرفش توصل للتامنة لو حاولت ممكن يكون احسن حاجة تشوفها هى الخامسة

مش ده هيبقى فشل و غباء

مش عصفور فى اليد احسن ؟

خمن

انت عندك حق ممكن تكون صح انا معرفش موقفك ولا ظروفك

انا ممكن اتخيل انك لو سبت السابعة ممكن تقع فى التالتة او الرابعة وتقف ومتعرفش تطلع تانى ممكن

مممكن تسيب وظيفتك ومتعرفش توصل لاحسن منها ممكن , طبعا مخاطرة

بس اللى اقدر اقلهولك

ايه اللى ممكن تلاقيه بعد السابعة

ايه اللى هناك , ايه اللى هتفاجىء بيه

ايه الجديد

مفيش سابعة !

اللى هتلاقيه

لما تسيب راحة السابعة وتطارد العاشرة ان السبعة اللى كنت فيها مكنتش سابعة كانت تلاته !

لو انت فاكر نفسك انك عند السبعة انت فى الحقيقة فى احسن حتة فى الدرجة التالتة

العاشرة بعيده قوى بعيده هناك

انت فاكر انك شايفها

تعريفك للعاشرة معتمد على خبراتك فى السابعة

وانت مش ممكن تشوف العاشرة بجد وانت واقف فى السابعة

فوق مقدرتك عالتخيل

لو لقيت حد فى منطقتك فى العاشرة ورحت سالته هو كان بيعمل ايه فى السابعة هتلاقى نفسك فى التالتة بالنسبة له

لو لاعب قيم اكلك وقيم رياضتك يا ترى هيديك كام

هل انت فعلا بتعمل 70% من اللى بيعمله

اسال ناس ناجحة فى علاقتها الخاصة فى شغلها

اسال ناس ناجحة فى وظيفتها

ازاى يقيمو وظيفتك

ادائك

يا ترى انت فعلا

سبعة !

ولا السابعة بتاعتك دى تلاته !

الاستقرار فى الدرجة السابعة يعنى خللا فى الطريق

الاكتشاف التانى انك لما تكون اتعلقت فى الدرجة السابعة فانت بتستخدم معايير غلط فى الحكم على نفسك انت قيمت وضعك مكانك الحالى لكن مقيمتش الطريق نفسه . مسار حياتك يعنى

يا ترى مسار حياتك واضح محدد هياخدك على فين الخمس سنين الجايين ياترى هيرجعك لورا ولا هيطلعك لقدام يا ترى تديله كام لو هتبصله من بره

مثلا صحتك طريقة اكلك ياترى هيودوك لفين احسن ولا اقل

ده مهم لانه هيدينا فكره احنا واقفين ليه محلك سر اذا كنا واقفين فى الدرجة السابعة كتير ومش عارفين نطلع

يبقى السبب فى الطريق نفسه

السلم ممكن يكون بايظ

الطريق ممكن يكون دى اخر حاجة ممكنه فيه

مفيهوش حاجة تدفعك تسرعك تخليك تتحرك لقدام

خلى بالك وقوفك مشكلة لان سرعتك قلت البنزين بتاعك بيقل تدريجيا عشان تشغل الموتور تانى هتحتاج قوة اكبر

لذلك انك تغير الطريق احسن بكتير من انك تكون متعلق واقف فى مكانك

اكيد هتلاقى طرق جديدة دايما عشان تكتشفها توصل للاحسن

قدرتك لتحمل الازمات الممكنة هتزيد بالوقت ودايما هيكون عندك القدرة لاكتشاف الجديد

تغيير الطريق لازم يكون بايدك انت مش بايد الظروف

لا انا ولا مراتك ولا رئيسك فى الشغل ولا اسرتك لازم يكون منك انت من جواك

بس ابدا البداية

وهى هتفتح وحاول حاول حاول

ربنا بيقول لبنى اسرائيل

" ادخلوا عليهم الباب ....."

بس ابداؤا

" فاذا دخلتموه فانكم غالبون ..."

البداية القوية بداية نجاح حقيقى

بداية وصول

بداية رغبة من جواك ان تكون افضل

ان تكون احسن من مجرد واقف مع الواقفين عالطريق

المفاجأة

اخوانى بعد ده كله هاقلكم مفيش حاجة اسمها درجة عشرة

فعلا مفيش 10

مجرد متوصل للى انت كنت شايفها عشرة هتعرف ان دى مكانتش 10

لسه فى كتير

العشرة الحقيقية مش مجرد مكان ثابت ده الطريق نفسه

احنا متخلقناش عشان نقف فى مكان

اتخلقنا عشان نتحرك

عشان تحس انك بتوصل لازم تتحرك

فى كل المجالات حتى الروحانية العقلية العضلية الخ

الدرجة العاشرة الحقيقية هى انك تبذل كل اللى فى وسعك

وده عمره هيكون بانك تقف

يالا اتحرك

وافتكر

" ادخلوا عليهم الباب ...."

المصدر : www.stevepavlina.com