ايه هى رسالتك السنة دى عملتها ولا لسه ؟
الشركات الكبيرة زى سونى مثلا او ميكروسوفت او غيرها بيبقى ليها رسالة عايزه تنفذها الكل بيجرى فى اطارها
انت كمان ممكن يبقى ليك رسالتك الشخصية اللى تتمنى تحققها فى 2008
ؤسالتك هتساعدك فى انها هتحدد انت عايز بالظبط ايه اكتر حاجة بتتمناها بدل ما الامور عايمه ومش واضحة
هتفكرك فى اى وقت وفى اى مكان , هتبقى قدام عينيك , هتبقى الدافع بتاعك ,كمان هتبقى المؤشر , ياترى انا ماشى فى طريقها ولا انا بعدت رسالتك طريقة تخليك اكتر فاعليه لانك هتبقى محدد وواضح
وعــــارف انــــــــــت عايــــــــــــز ايه
رسالتك ممكن تكون مختصرة او ملانه تفاصيل , عشان تكتبها كويس محتاج تعرف الحاجات دى
اولا : دوافعك : يا ترى انت عايز ايه بجد و ليـــــــــــــــــــــــــــــه , ايه هى نيتــــــــــــــــــك
خليك واضح ومحدد ومتعممش
افتكر انها رسالتك انت مش رسالة حد تانى
ثانيا : يا ترى ايه اهم تلت اهداف انت عايزهم
اختصر وركز على الاهم فالمهم وحدد ميعاد وخليك واقعى
ثالثا : وفق دوافعك مع اهدافك
من كل دافع فكر ازاى تستخدمه عشان تحقق اهدافك التلاته واكتب كل الاحتمالات الممكنة فى انك تستغل الدافع ده
خلاص كده فاضل الخطوة الاخيرة
اكتب رسالتك تانى بس المرة بالخطوات اللى هتعملها عشان تحققها
انت خلاص عرفت عايز ايه وازاى
ممكن تعمل لكل قسم فى حياتك رسالة الشغل الدين البيت الخ
اكتبهم قدام عينيك عالمكتب فى ورقة فى المحفظة عالجدار على خلفية الكمبيوتر خليها قدام عينيك اكبر قدر ممكن وباى طريقة
عشان تبقى طول الوقت بتفكرك
انت عايز ايه
وانت المفروض تعمل ايه
يالا ابتدى
المصدر : http://www.lifehack.org/
هناك 3 تعليقات:
فينك يا دكتور علي؟
غايب عنا من فترة
تدوينة ممتازة جزاكم الله خيرا
وإن شاء الله أشوفك في دورة التخطيط الجاية
انتظر الإعلان عنها في مدونتي إن شاء الله
مفتقدينك يادكتور
يارب تكون بخير
جميل اسم المدونة والأجمل مضمونها
حقيقى اى حد بيقرا هنا اكيد بيشحن كتير حاجات جواة عشان يفوق وينظر للحياة بمنظور تانى
كلماتك بتصحى الحلم والأمل جوانا والرغبة فى التغيير والتشجيع على مواصلةالسير فى طريقنا الطويل
شكرا واسمح لى اتابعها باستمرار
إرسال تعليق